愛回家丨豪仔突爆有未婚妻到底係邊個？ 曬老表聚會合照位位都係星二代
《愛回家之開心速遞》越來越多CP登場，昨晚一集「熊家有房出租（上）」連細力（秦啟維 飾）的太太細力嫂（梁珈詠 飾）登場，而令觀眾驚喜的是「初戀Cafe」的豪仔（李泳豪 飾）突然自爆有未婚妻，想暫租借根叔（劉丹 飾）的房間，到底豪仔的未婚妻是誰呢？
李泳豪接受本網電話訪問，他表示：「大家唔記得咗咩？上次有集Andy（崔錦棠 飾）以為女朋友Elaine（李芷晴 飾）移情別戀同我結婚，仲派晒帖咁，但其實係我未婚妻都叫Elaine，誤會一場。所以劇組就前設咗我有個未婚妻，仲要飛走咗去外父外母度。（邊位演員？）唔知呀！劇本暫時未交代，我都好期待有感情線，可以玩吓CP。」他笑言在「送水輝」出現劇集的初期，豪仔都有一個女朋友晴晴（張詩欣 飾），後來她改為演出李莫愁一角，感情線亦不了了之。問到想跟誰合作「拍拖」？他說：「冇諗過喎！（新婚太太會唔會呷醋？）咁又唔會，佢畀好大自由度我，不過事前一定要講畀佢知先囉！」
李泳豪近日在社交平台分享跟幾位老表的合照，位位都熟口熟面，除了黃宇詩之外，還有三位「星二代」同場，大家認得出來嗎？他們正是鄧梓峰的大女和兩個孖仔，他們都是李泳豪的表弟妹，至於黃宇詩是李泳豪的表姨。
李泳豪的媽媽施明乃是藝人世家，所以他這位「星二代」都有不少「星二代」親戚。施明的五姨是黃霑前妻華娃，所以黃宇詩是她的表妹，李泳豪稱呼黃宇詩為表姨。施明的妹妹跟鄧梓峰結婚，所以鄧梓峰是施明的妹夫，豪仔自細稱呼他為姨丈，而鄧梓峰的仔女則是豪仔的表弟妹。合照中只見鄧瓊芝（Natalie）、孖仔鄧柏暉及鄧松暉，未見鄧淑芝（Sonia），難得幾老表一齊食飯見面，這次同框絕對有意義。
李泳豪表示：「呢排見多咗，因為有啲表弟妹唔係成日喺香港，大家返嚟就爭取時間見面，大家傾啲嘢都幾啱傾。見到佢哋，都覺得自己後生咗！姨丈鄧梓峰教得佢哋好好，個個都好有禮貌，Natalie原來做咗攝影師，我都係近排先知，傾開就叫佢幫我影輯相，佢話冇問題，大家冇代溝。細個嗰陣，我哋感情好好，我大佢哋十幾年，有份幫手湊佢哋呀，又買玩具畀佢哋，而家佢哋都好錫我，真係好開心！」
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
