【單對單】江欣燕離婚後單身8年獨守千萬豪宅 生活寫意唔慘情：婚已結過我唔稀罕
黎芷珊擔任主持的清談節目《單對單》主要是訪問目前仍單身的藝人，繼胡定欣之後，就訪問離婚已有8年的江欣燕，初次剖白最初離婚的因由。與此同時，節目的重點就是她家住過千萬的豪宅。
節目中，江欣燕重提8年前與前夫吳積遜（Jackson）離婚的往事。她與對方交往了22年，2013年她透過電話訪問宣布自己已離婚，當時已一時轟動，而當時由江欣燕自動提出離婚：「可能因為人大個咗，開始認識自己，先發覺我哋內心好大距離。我好多謝佢陪咗我廿幾年，令我眼界闊咗好多，係我決定唔一齊。同佢一齊好似好開心，但唔係我本質。」
而當時江欣燕對前夫提出離婚，對方的反應令她心感難愛：「係我提出話分開，佢當日係冇反應，佢睇緊波。咁我就話我行動啦，佢哦完就繼續睇波。」最後江欣燕亦忍痛留下：「我三日後會搬走，希望你唔好阻止我」22年情告終。江欣燕離婚後，在戀愛觀上有巨大的變化：「大個咗唔會好似以前咁『我要戀愛』就夠，感覺呢樣唔係最緊要嘅嘢。你要好了解自己，搵一個你鍾意佢性格嘅。其實對方係你嘅一面鏡。嚟緊嘅人未必係老公，可能係partner，因為婚已結過，我唔稀罕。」
另一方面，訪問在江欣燕的千萬豪宅裡進行，53歲的她現時生活寫意，閒時可是栽種淋花解悶，露天位更有涼亭和桌椅的花園，實在令人羨慕。
圖:《單對單》
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
