朱智賢取消慶生活動疑感情生變 搬離愛巢親回與謝東閔分手傳聞
謝東閔（Brian）和朱智賢拍拖7年，二人多年來都一直好低調，不過一早已共賦同居，感情穩定。不過朱智賢透露「屋企發生咗啲事」，更大動作搬屋，因此傳出二人感情生變。
朱智賢月前踏入38歲生日，曬出多張慶生相，一如以往都係冇謝東閔份，佢留言：「啱啱過去呢一年作出了很多新嘗試同改變，發覺原來改變也是一個很不錯的選擇（雖然每次做選擇都會好糾結）繼續『相信就會發生』的信念 。PS: 大家不用再約我食生日飯了，因為屋企發生咗啲事，我已經取消晒所有慶祝活動，有心就好了🫶🏻」
朱朱冇透露發生咩事，不過呢幾日都不停POST出一啲搬緊屋嘅相，更加表示有好多嘢，好大工程，而之前佢一直都係與謝東閔同居。朱朱又喺網上面問Wi-Fi用邊間好，唔問身邊人反而問網民，似乎所有起居瑣事都要獨立起來。另外，成日都話要減肥嘅朱朱近日體重又跌咗，有成172cm高嘅佢食完嘢都係得50.9kg，佢仲加埋嘆氣表情符號，似乎係不情願變瘦。本網記者聯絡朱智賢問到佢同男友謝東閔係咪感情生變，佢就斬釘截鐵咁回覆：「不是啦！」至於佢朱朱指「屋企發生咗啲事」，佢早前就話係私人事故不便透露。
朱智賢同謝東閔拍拖七年，謝東閔今年情人節罕有放閃甫合照，反而朱智賢IG只貼出單人照，一度被以為好事近，不過二人都即時否認。2017年謝東閔和朱智賢已經傳出緋聞，最初二人都冇認拍拖，但後來已於娛圈內通晒天，二人不時一同出席朋友間活動，同樣愛動物嘅佢哋同居飼養兩隻狗狗。2020年朱智賢被踢爆偷食人夫黎振燁出軌偷食，男友謝東閔當日都有陪朱智賢出席記者會。朱智賢當年形象盡毀，面對陷入事業低潮的感受，朱朱上年12月曾受訪感謝謝東閔一直陪伴及給予鼓勵，令二人感情不減反增：「那一年最初冇工作，係佢鼓勵我去行山，叫我唔好再浪費時間。之後，我哋感情仲昇華咗另一個層次，大家都唔同咗！」不過當時問到二人何時計劃結婚及生小朋友，朱朱就指男方較「carefree」，覺得一齊就OK，一張婚書亦唔代表啲咩。
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
