新聞女王｜龔慈恩佘詩曼麻雀枱上眼神大鬥法 霸氣威嚴互撼示範皮笑肉不笑式演技
TVB台慶劇《新聞女王》昨晚（11月30日）劇情有兩大好戲之人龔慈恩、佘詩曼，在麻雀枱上「眼神大鬥法」，方太（龔慈恩飾）與Man姐（佘詩曼飾）的「政治麻雀」引發網民熱話，該幕設計亦盡顯心思，二人大展「皮笑肉不笑式」的演技，以霸氣與威嚴互撼，戲味十足。
回顧首周劇情方太打牌給Man姐、Man姐會毫不猶疑地食糊；但當經歷過「假辭職」低谷，謹慎了的Man姐即使方太鬆章仍選擇不食糊，更「反鬆章」給方太；方太流露滿意神情的同時，仍不忘擺下馬威叮囑阿Man：「以後做嘢要有分寸」；網民看畢無不感嘆：「政治麻雀就是要這樣打」。
該場另一吸引之處，是龔慈恩與佘詩曼的「眼神比併」，即使沒有對白，也能看出兩人的情緒轉換，阿佘對著飛爺和方太笑容明顯有分別；龔慈恩亦將嘉許、怪責及試探等不同眼神演出層次，超強氣勢獲封為劇集真正「操盤手」，網民更大讚龔慈恩好戲：「方太好戲，一句『係咩？』威嚴勁到呢」、「龔慈恩carry到個角色」、「又靚又好戲，輕鬆搞笑正劇都得」、「真係好好戲，垂簾聽政又似，拍鷲哥做老夫老妻又得」、「個氣勢勁到！」
以往在劇集中多擔任柔弱及慈祥角色的龔慈恩，這次「一反常態」飾演經常話中有話、看似老謀深算的方太，龔慈恩坦言好玩，大讚角色夠晒人性化，並笑言自己也有被方太的「話中話」考起：「劇本好，方太好多時喺Key point位出現，會令到形勢逆轉，同埋佢好多時講嘢未必係表面嗰個說話嘅意思；我都試過有場戲，我第一次睇劇本嘅感覺，同我睇晒前後故事之後，先知道完全唔係嗰回事。」
龔慈恩更透露為配合角色，專誠電了一頭別具年代感的短髮：「有個Image喺度先至帶到件事出嚟，總唔能夠好『地』同好現代嘅髮型，個角色會冇咁有威嚴。」果然一絲不苟。龔慈恩又謙稱角色獲好評，全靠身邊演員配合：「監製想要我演『棉裏針』，呢個唔係靠我一個人做到，第一係劇本，另外其他演員幫忙都好緊要；你有時好惡喺度鬧，但其他演員冇反應就唔會有威嚴，真係要多謝其他拍檔去幫我成就個感覺。」
據知下周龔慈恩精彩演出將會升級，SNK News於下周第12集開始將陷入重大危機，方太更要殺回公司控制大局，其間因飛爺的無能發火爆Seed，場口精彩。龔慈恩亦笑言劇中最大「遭殃者」是飾演「勝利球迷」飛爺鄧智堅：「劇入面我對大部分人都保持儀態，只係對飛爺惡出面，呢啲就係愈係自己人，愈睇到自己最真實一面嘅寫照，我對飛爺係真係惡。」
同場加映：【衝出嚟玩】最新影片
港生活人氣娛樂新聞
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
