首爾街頭點解難搵垃圾桶？ 原因竟然同政府政策有關！
有唔少去首爾旅行嘅朋友，都覺得喺街頭搵垃圾桶有困難，其實現時首爾市有約4,956個街頭垃圾桶，但對遊客嘅喜訊，係首爾市政府計劃於2025年時， 將垃圾桶增加至7,500個。不過原來喺1995年時，垃圾桶數目曾經有多達7,607個，點解首爾要大幅減少垃圾桶數量？原來係跟首爾喺1995年起實行嘅「垃圾重量制」有關。
============
同場加映：
【家居達人】抽濕機、風扇、電暖爐 壞咗唔好掉！ 義工師傅幫手維修 收費自由定價
============
首爾市從 1995年1月開始實施「垃圾重量制」，即根據丟棄嘅垃圾重量分等級收取垃圾處理費，當時嘅街頭垃圾桶還多達7,607個。 但因為好多家庭、個人及商鋪將本該付費丟棄嘅垃圾，丟入街頭嘅公共垃圾桶，因此首爾市各區廳就開始陸續減少街頭垃圾桶數目，到2007年只剩3,707個。喺2021年，首爾市氣候環境本部在曾進行調查，回應者有3,112名首爾市民，結果多達73.3%的人都認為「垃圾桶數量偏少」，當中有人認為「紐約、東京及巴黎街頭都好容易搵到垃圾桶，點解首爾會咁少垃圾桶？」，當然亦有1.5%嘅人認為垃圾桶十分足夠。
首爾市從 1995年1月開始實施「垃圾重量制」，首爾市嘅垃圾桶數量便大幅減少，由當年嘅7,607個減至今日嘅4,956個。
而首爾市亦已經決定逐步增加垃圾桶嘅數目，計劃至今年底會增加至5,500個，2024年至6,500個，2025年亦至7,500個，增加垃圾桶嘅地區，主要喺光化門、江南區嘅德黑蘭路、及汝矣島等遊客多嘅地方，同時亦會喺巴士站附近增加垃圾桶，因為首爾嘅巴士係禁止乘客攜帶飲品上車，因而好多人都投訴巴士站無地方丟垃圾。而今年12月起將會引入新設計嘅垃圾桶，亦計劃推出喺垃圾桶旁有放置煙頭裝置嘅垃圾桶。
首爾市已經決定逐步增加垃圾桶嘅數目，計劃至今年底會增加至5,500個，主要喺各遊客區如光化門及巴士站。
但另一方面，亦有首爾市民擔心若市內公共垃圾桶增加，亦會引致首爾市民非法丟棄家用垃圾嘅數字增加，但首爾市氣候環境本部就認為市民嘅環保意識比以前提高咗，日後會跟首爾市各自治區再相討對應政策。
text/Joyce
photo/HKET圖片庫、網上圖片
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
