港人忽視老年財富繼承規劃 僅2成港人訂立遺囑 15年後恐有6,000億資產被凍結
華人一向忌諱講死亡，而講到立遺囑，閣下亦可能以為只係「有錢人」先有呢個需要，但根據社企「安心三寶」所講，香港人對老年時財富繼承規劃嘅觀念相當薄弱，調查中只有僅20%受訪者指已訂立遺囑，但其實以香港老年人口愈來愈多嘅趨勢，如果呢個情況持續落去，15年後會有6,000億港元的資產被凍結！而老人家應該預備嘅三樣法律文件：平安紙（遺囑），持久授權書和預設醫療指示，後兩者你又知唔知係乜嘢？
============
同場加映：
【家居達人】港人自發！即棄電池回收計劃
============
社企「安心三寶」早前以隨機抽樣方式，訪問超過400位年齡介於25至70歲的香港市民，以了解佢哋對平安紙（遺囑），持久授權書和預設醫療指示嘅認知程度與實際使用情況，希望透過活動提升香港市民對相關文件嘅關注度。結果發現，僅20.4%受訪者指已訂立遺囑，73%受訪者未聽過「持久授權書」、60%受訪者未聽過「預設醫療指示」，近40％受訪者完全無訂立過任何財富傳承規劃文件，而當中有50.3%指主因係唔識訂立，其餘被訪者則指認為現時健康狀况良好、無想過會突然離世及不清楚文件內容而無做。
根據「安心三寶」早前以隨機抽樣方式做嘅調查，僅20.4%受訪者指已訂立遺囑。
根據政府統計處嘅香港人口推算報告，預測到2038年，香港65歲以上人口將達到250萬人，掌握大約3萬億港元資產，當中會失去行為能力嘅人數（例如患有腦退化症，中風或癌症）約有50萬人，另一方面，未來15年將會有95萬人離世。「安心三寶」估計，目前只有約兩成人訂立咗遺囑，不到0.1%嘅人登記了持久授權書，假如呢個狀況持續落去，15年後會有約6,000億港元資產被凍結，數以十萬計嘅樓宇將不能買賣或租出。
香港人口老化愈嚟愈嚴重，如果持續只有約兩成人立遺囑，15年後會有約6,000億港元資產被凍結，數以十萬計嘅樓宇將不能買賣或租出。
新加坡積極推動持久授權書 政府資助註冊費
甚實乜嘢係「持久授權書」呢？根據「安心三寶」網頁所講，就係：「當你失去行為能力時你可以委任授權一個人或者多過一個人行使你的財產所有權，幫你處理有關財產的所有事務。當你日後失去行為能力，你的受權人就可以拿持久授權書向法院註冊，他們就可以合法使用你的財產和變賣資產去幫你支付律師費、醫藥費和生活費」。至於「預設醫療指示」，就係：「預設醫療指示是指不接受維生治療，令身體自然順著病情發展而死亡。有三種情況下可以適用：第一種是病情到了末期，第二種是持續植物人或者不可以逆轉昏迷，第三種是有特定晚期不可逆轉特定疾病。普通疾病例如傷風感冒不適用於預設醫療指示，並在有能力時，能夠提前做出適當的醫療和財政計劃的訂立。」
不過現時喺香港，要訂立「持久授權書」等文件，必須有醫生及律師嘅見證，過程繁複，仲要到高等法院進行登記，費用可能高達過萬港元，令到唔少本來有意願嘅市民因財力不足而無法實現。根據高等法院的數據，截至去年全港僅登記了大約4,000份文件，即使近年加強教育，去年亦只有1,000份登記。
不過現時喺香港，要訂立「持久授權書」等文件，必須有醫生及律師嘅見證，仲要到高等法院進行登記，費用可能高達過萬港元，令到唔少本來有意願嘅市民無落實進行。
但反觀新加坡，當地政府就正積極推動公眾訂立「持久授權書」，使市民可以喺線上系統輕易訂立及儲存「持久授權書」等文件，只需要1位醫生或律師見證，又毋須到法庭登記，政府亦全面資助見證費及註冊費，使其成為完全免費的服務，以鼓勵新加坡人在2026年前訂立「持久授權書」，目前已有超過22萬份「持久授權書」被訂立，希望香港政府可以參考新加坡做法。
text/Joyce
photo/HKET圖片庫
港生活人氣本地熱話
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
