黃埔花園女律師VS名醫單位漏水事件有新發展 受害單位擔遮去廁所、半間屋停電
唔少香港家庭都曾遇過家居漏水事件，「幸運」嘅話，搵到源頭兼可以同有關單位業主相討好維修及賠償事宜，完滿兼和平地收場，不過，世事好多時都無咁簡單……好似黃埔花園一名女戶主，因樓上一位著名骨科醫生潘德鄰嘅單位漏水，搞到屋企天花剝落兼半間屋斷電，家人仲要擔遮去廁所！即使搵咗政府「滲水辦」介入，樓上醫生業主都無任何行動，事件糾纏已約一年半，連《東張西望》都報導過多次……最近事件有新發展，究竟係點呢？
============
同場加映：
【家居達人】防貓網7大安裝須知 邊款最安全？與蚊網有咩分別？
============
呢單上過《東張西望》多次嘅家居漏水糾紛事件，已經告上法庭，事件發展經過，仿如一齣連續劇：黃埔花園一名女業主周小姐（Chow Chi Yi），居於第9期百合苑6座，指自2022年2月23日起，單位嘅浴室天花出現滲水及滴水，跡象顯示源頭係來自樓上著名骨科醫生潘德鄰居住嘅單位。同日身為律師嘅周小姐即通知大廈管理處，管理處人員亦立即轉告潘醫生。至去年5月12日，周小姐單位滲水情況惡化。翌日，管理處職員到單位測試及調查後，發現單位濕度達35%，至5月16日，管理處將事件轉介至食物環境衞生署和屋宇署成立嘅聯合辦事處（即「滲水辦」），管理處亦向潘醫生發信要求維修。同年6月，滲水辦人員曾多次到周小姐和潘醫生嘅單位檢查，但潘及其代表向滲水辦表示單位內嘅第2個浴室，被用作儲物室及放滿雜物，令滲水辦職員未能檢查該浴室，而潘亦拒絕搬走該浴室內嘅雜物。
直至9月，漏水問題進一步惡化，不單令到周小姐單位浴室天花及磁磚已出現多條裂縫，天花泥灰剝落，第2個浴室、相鄰房間、廚房和客廳更出現電力短路！翌日，周小姐曾發電郵給潘醫生，指出漏水事件令單位出現停電，並要求潘配合滲水辦嘅調查，但潘完全無理會。
樓上漏水問題，令周小姐全屋地板鋪滿報紙索水。
廁所係漏水重災區，誇張程度令如廁都要擔遮！
廁所天花滲水，不單令天花泥灰剝落，亦令廁所嘅電器唔能夠使用。
《東張西望》節目組曾搵嚟專業驗樓師嚟檢查，竟然發廁所天花嘅濕度達99%。
半間屋停電 滲漏水係鹹水及含尿液
而周小姐亦搵過其他機構上門作調查，而根據今年1月嘅調查報告，指周嘅第2個浴室出現滲水，是因為樓上潘嘅單位主人房套廁滲水所致，另外兩間私人機構作調查時，潘並唔准許他們入屋檢查，而呢1兩間機構嘅調查報告亦指係潘嘅單位導致滲水問題，更「震驚」嘅係其中一份報告，更指滲漏嘅水，係鹹水及含尿液！聯辦處亦向潘發通知，要求修復漏水問題。
但周小姐單位嘅滲水問題愈嚟愈嚴重，至今年4月5日，整個單位嘅左邊部分，除咗廚房同廚房外嘅一枝光管外，所有天花光管均斷電。滲水辦喺進行第2次調查後，喺5月22日向潘發出第2次妨擾事故通知，並要求潘喺6月24日前完成修葺，但喺6月26日檢查時，發現周小姐單位嘅天花濕度仍高於90%。另一方面，潘曾喺6月8日僱用無牌工人維修鹹水管，導致周嘅單位天花於當日出現嚴重漏水。
而事件最近發展，係周小姐於8月4日入稟區域法院向潘德鄰追討賠償，指潘自去年2月起拖延修葺，並指潘拒絕其單位接受調查，更聘用無牌工人維修而導致鹹水管破裂，遂要求作出懲罰性賠償。惟入稟狀未列明索償額。
至今年4月，周小姐單位試過曾漏水，導致半個單位斷電。
喺6月時，潘醫生涉嫌僱用無牌工人維修屋企鹹水管，點知工人鑿穿水管，導致周嘅單位，連房間天花都出現嚴重漏水。
涉嫌單位嚴重漏水嘅名醫潘德鄰。
text/joyce
photo/HKET圖片庫、《東張西望》節目截圖
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
